Софья Самоделкина ISU әлемдік рейтингісіндегі көрсеткішін жақсартты

18:36, 8 желтоқсан 2025

© Сурет: Instagram/sofyasamodelkina

Қазақстанның үздік мәнерлеп сырғанаушысы Софья Самоделкина Загребте (Хорватия) өткен халықаралық турнирде тамаша өнер көрсеткеннен кейін әлемдік аренадағы ең мықтылар тізіміне ілінді, деп хабарлайды Zakon.kz.

18 жастағы қазақстандық өткен демалыс күндері Golden Spin of Zagreb-2025 турнирінде қола жүлдеге ие болды.

Қысқа бағдарлама нәтижесі бойынша жетінші орында тұрақтаған Самоделкина одан кейін еркін бағдарламада да жақсы өнер көрсетті, соның арқасында ол 182.63 ұпайымен үшінші орынға көтерілді.

Хорватия турнирінің "қоласы" Софияға рейтингтегі көрсеткішін сәл жақсартуға мүмкіндік берді. Қазіргі уақытта ол 28-орыннан 24-орынға көтеріліп, 2041 ұпайға ие.