Синоптиктер алматылықтар мен тағы төрт қаланың тұрғындарына үндеу жасады

12:06, 30 мамыр 2025

© Фото: Zakon.kz/Павел Михеев

Қазақстанның бес қаласының тұрғындарына бүгін болжанып отырған ауаның ластануы үшін қолайсыз метеорологиялық жағдайлар туралы ескертілді, деп хабарлайды Zakon.kz.

Тиісті үндеу "Қазгидромет" РМК сайтында жарияланған:

"2025 жылғы 30 мамырда Ақтөбе, Павлодар, Алматы қалаларында, түнде Қостанай мен Астанада ауаның ластануының қолайсыз метеорологиялық жағдайлары күтілуде.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, әлсіз жел, тұман, инверсия) жиынтығы.

ҚМЖ жағдайында қала тұрғындарына ашық ауада, әсіресе тас жолдар немесе басқа ластаушы көздер жанында уақытты қысқартуға кеңес беріледі. Ал созылмалы өкпе, жүрек-қан тамырлары аурулары, аллергиялық аурулармен ауыратын адамдар далада жүргенде өздерімен бірге қажетті дәрі-дәрмектерді алып жүруі керек.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!