Шымкенттегі ІІМ оқу-жаттығу орталығында граната жарылып, курсанттар зардап шекті

20:58, 26 қараша 2024

© Сурет: Zakon.kz/Павел Михеев

Шымкентте ҚР Ішкі істер министрлігі Бауыржан Момышұлы оқу орталығындағы оқу-жаттығу кезінде граната жарылып, салдарынан курсанттар зардап шекті, деп хабарлайды Zakon.kz.

Ішкі істер министрлігінің оқу орталығында жарқыл-шу гранатасының жарылғаны туралы ақпарат 2024 жылдың 26 қарашада мессенджерлерде тарады. Одан кейін жарылыс салдарынан бес курсант жарақат алып, жедел түрде ауруханаға жатқызылды.

Шымкент полиция департаментінің баспасөз қызметі оқиғаға қатысты түсінік берді.

"Бұл факт жоспарлы оқу іс-шараларын өткізу кезінде болды. Болған оқиғаның барлық мән-жайын анықтау бойынша тексеру жүргізіледі. Қазіргі уақытта екі курсант медициналық мекемеде емделіп жатыр, олардың жағдайы тұрақты", - деп хабарлады ведомство.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!