Қазақстандық спортшылар бадминтоннан Бахрейнде өткен турнирде жеңіске жетті

21:03, 26 қараша 2024

© Сурет: olympic.kz

Қазақстандық спортшылар бадминтоннан Бахрейнде өткен Bahrain International Series II 2024 турнирінде жеңіске жетті, деп хабарлайды Zakon.kz.

2024 жылғы Bahrain International Series II турнирінде Қазақстанның қос спортшысы Дмитрий Панарин мен Айша Жұмабек аралас жұп категориясында өнер көрсетті.

Финалда қазақстандық жұп Дмитрий Панарин мен Айша Жұмабек үндістандық Кона Тарун және Шри Кришна Прия Кударавалли жұбымен кездесті. Панарин мен Жұмабек 18-21, 21-18, 21-12 есебімен жеңіске жетіп, аралас жұп категориясында алтын медаль жеңіп алды.

Айта кетейік, аталмыш турнирде Дмитрий Панарин жекелей сында 6 кездесу өткізіп, қола медаль жеңіп алған еді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!