Шымкентте спорттық атудан Гран-при кезеңі өтеді

18 қазанда Шымкент қаласында нысана көздеу және стенд атудан Гран-при кезеңі басталады, деп хабарлайды Zakon.kz.

Аталған жарыста Қазақстан атынан 50-ден астам спортшы бақ сынайды.

Олардың қатарында ұлттық құрама өкілдері Александра Ле, Ислам Сәтпаев, Әсем Орынбай, Валерий Рахымжан, Никита Чирюкин бар.

Айта кетейік, Гран-при кезеңі 28 қазанға дейін жалғасады.