Шымкентте көпқабатты тұрғын үйдің жертөлесінен өрт шығып, 10 адам эвакуацияланды

Шымкент қаласы Әл-Фараби ауданында орналасқан көпқабатты тұрғын үйлердің бірінде өрт шығып, құтқарушылар 10 адамды, оның ішінде бес баланы эвакуациялады, деп хабарлайды Zakon.kz.

ҚР ТЖМ баспасөз қызметі өрт көпқабатты үйдің жертөлесінен шыққанын нақтылайды.

ТЖД қызметкерлері баспалдақ маршымен 10 адамды, оның ішінде бес баланы эвакуациялады.

"Өрт жедел түрде сөндірілді. Зардап шеккендер жоқ", делінген хабарламада.

Бұған дейін Талғардағы қаралы үй өртіне қатысты ІІМ мен облыстық прокуратура мәлімдеме жасағаны хабарланған.