Шетелде тұратын қазақстандықтар атом электр станцияларына қатысты референдумға қатыса ала ма
© Фото: Zakon.kz
Қазақстан азаматтары шетелде атом электр станцияларын салу бойынша республикалық референдумға қатыса алады. Бұл туралы 2024 жылдың 4 қазанында ҚР Сыртқы істер министрлігі толығырақ айтты, деп хабарлайды Zakon.kz.
Сыртқы істер министрлігі алдағы жексенбіде, қазанның 6-сында Қазақстанда атом электр станциясын салу бойынша республикалық референдум өтетінін еске салды.
"Дауыс беруге қатысу үшін белсенді сайлау құқығы бар, тиісті шет мемлекетте тұратын немесе жеке, қызметтік, оқу, іскерлік пен туристік мақсатпен жүрген және ҚР азаматының жарамды паспорты бар Қазақстан Республикасының азаматтары референдум учаскесі құрылған Қазақстанның дипломатиялық немесе консулдық өкілдігіне жүгіне алады." ҚР СІМ
ҚР-дың шетелдегі мекемелерінде дауыс беру "Қазақстан Республикасындағы сайлау туралы" ҚР Конституциялық заңының 38-ші бабының 1-ші тармағына сәйкес референдум өткізілетін күні (2024 жылғы 6 қазан, жексенбі) жергілікті уақыт бойынша сағат 07:00-ден 20:00-ге дейін өткізілетін болады.
Қазақстанның шетелдегі мекемелерінің жанынан 59 шет мемлекетте 74 референдум учаскесі құрылды.
2024 жылғы 3 қазанда Мемлекет басшысы Қасым-Жомарт Тоқаев барлық деңгейдегі мәслихаттардың екінші республикалық форумында сөйлеген сөзінде АЭС құрылысы жобасының ауқымдылығын атап өтті.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:33, 4 қазан 2024
Алдағы күндері Қазақстанда ауа температурасы 30 градусқа дейін көтеріледі
-
13:24, 4 қазан 2024
Қазақстанда шетелдіктер үшін визаның жаңа түрлері енгізіледі
-
13:11, 4 қазан 2024
Ерлан Карин: Атом электр станцияларына қатысты референдум науқаны Қазақстан тарихындағы ең ұзақ шара
-
12:56, 4 қазан 2024
Президент онлайн сот отырыстары жұрттың сот жүйесіне сенімін нығайтқанын айтты
-
12:45, 4 қазан 2024
Мемлекет басшысы соттардың қызметін одан әрі жетілдірудегі басым міндеттерге назар аударды