Сәтбаевта қыз баланы екі бірдей көлік қағып, мерт қылды

21:42, 20 маусым 2025

© Сурет: Zakon.kz

Сәтбаевта Toyota Camry жүргізушісі 2012 жылы туған қыз баланы жаяу жүргіншілерге арналмаған жерден жолды кесіп өтпек болған кезде қағып кеткен. Сол сәтте қарсы бағыттан келе жатқан Lada Priora көлігі де жасөспірімді басып өткен, деп хабарлайды Zakon.kz.

Бұл жол-көлік оқиғасы 16 маусым күні болған. Қыз бала ауыр жарақат алып, оқиға орнында көз жұмған, деп мәлімдеді Ұлытау облысының соты.

"Аталған факті бойынша Toyota Camry жүргізушісіне қатысты ҚР Қылмыстық кодексінің 345-бабы 3-бөлігіне сәйкес қылмыстық іс қозғалды. Ер адам кінәсін мойындап, жасаған ісіне өкінетінін білдірді. Тергеушінің екі айға қамауға алу жөніндегі өтініші сотпен қанағаттандырылды", – делінген соттың баспасөз қызметі таратқан хабарламада.

Сот қаулысы әзірге заңды күшіне енген жоқ.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!