Сербияда жаппай наразылықтардан кейін ел премьер-министрі отставкаға кетті

Сербия парламентінің депутаттары ел премьер-министрі Милош Вучевичтің отставкаға кетуін талап етіп, дауыс берді, деп хабарлайды Zakon.kz.

"Сербияның радиосы мен телевидениесі" мәліметінше, жергілікті парламент Конституцияның 132-бабына сәйкес, премьер-министрдің отставкасын қабылдады, яғни Милош Вучевич үкіметінің өкілеттігі ресми түрде аяқталды. Сербия жаңа үкіметті құруға 20 наурызда кіріседі.

"Енді Сербияда жаңа үкімет 18 сәуірге дейін құрылуы керек. Әйтпесе, мемлекет басшысы парламентті таратып, осы күннен бастап 45-тен 60 күнге дейінгі мерзімде өтетін кезектен тыс сайлауды тағайындауы керек", делінген хабарламада.

2022 жылға дейін Вучевич Нови-Садтың мэрі болған. Оның басшылығы кезінде қаланың басты вокзалына қайта жөндеу жұмыстары жүргізілген. Мұнда бетон жақтау құлаған болатын. Бұл оқиға үкіметке қарсы жаппай наразылықтың тууына сеп болды. 2 қарашада ел аза тұту күнін жариялады.

Бұған дейін Сербия премьер-министрі жаппай наразылықтардан кейін отставкаға кету туралы өтініш білдіргені хабарланған болатын.