Семейде орман өртіне байланысты төтенше жағдай жарияланды

17:13, 9 маусым 2023
142

© Сурет: ҚР ТЖМ баспасөз қызметі

Семей қаласы әкімдігі "Абай облысы Семей қаласының "Семей орманы" мемлекеттік орман табиғи резерватының аумағында өрттің шығуына байланысты табиғи сипаттағы төтенше жағдай жариялау туралы" шешім әзірледі, деп хабарлайды Zakon.kz.

"Семей орманы" мемлекеттік орман табиғи резерваты (Батпаев орманшылығы 66, 67, 55, 42 кварталдарда) аумағында өрттің шығуына байланысты, Семей қаласында табиғи сипаттағы жергілікті төтенше жағдай жариялансын", – делінген құжатта.

 Табиғи сипаттағы төтенше жағдайды жою басшысы болып Семей қаласы әкімінің орынбасары Р. М. Досмағанбетов тағайындалды. Оған табиғи сипаттағы төтенше жағдайды жоюға бағытталған іс-шараларды жүргізу тапсырылды.

Шешім 2023 жылғы 8 маусымнан бастап туындаған құқықтық қатынастарға қолданылады.

Құжат сайтында 10 маусымға дейін талқылау үшін Ашық НҚА сайтында жарияланды.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!