Республика күні қарсаңында бірқатар қоғам қайраткері мемлекеттік наградалармен марапатталды
© Сурет: akorda.kz
Еліміздің саяси, әлеуметтік-экономикалық дамуына елеулі үлес қосқаны және белсенді қоғамдық қызметі үшін Мемлекет басшысының Жарлығымен бірқатар қоғам қайраткері мемлекеттік наградалармен марапатталды, деп хабарлайды Zakon.kz.
Ұлттық мереке – Республика күні қарсаңында Мемлекеттік кеңесші Ерлан Қарин Ұлттық құрылтайдың, Қазақстан Республикасы Президентінің жанындағы Жастар саясаты жөніндегі кеңестің бірқатар мүшесіне және аймақтан келген қоғам белсенділеріне мемлекеттік награда тапсырды.
Атап айтқанда, "Парасат" орденімен Ұлттық құрылтайдың мүшесі, Түркістан облыстық қоғамдық кеңесінің төрағасы Байділдә Жылқышиев марапатталды.
Ал Ұлттық құрылтайдың және Батыс Қазақстан облыстық қоғамдық кеңесінің мүшесі Бауыржан Ғұбайдуллин, М.Өтемісов атындағы Батыс Қазақстан университетінің доценті Жаңабек Жақсығалиев, Қостанай автомобиль көлігі колледжінің директоры Дмитрий Павленко "Құрмет" орденінің иегері атанды.
Сондай-ақ Шығыс Қазақстан облысы Азаматтық альянсының төрағасы, облыстық коғамдық кеңестің мүшесі Аяужан Әшімова мен Шығыс Қазақстан облысы Ұлан ауданындағы Қасым Қайсенов атындағы орта мектептің директоры Әсем Чамкаеваға "Ерен еңбегі үшін" медалі тапсырылды.
Қазақстан Республикасы Президентінің жанындағы Жастар саясаты жөніндегі кеңестің мүшелері – дінтанушы, діни экстремизмге қарсы іс-қимыл жөніндегі сарапшы Елнар Берікбаев, "Қоғамдық келісім" институтының директоры Элина Масагутова, қоғам белсендісі Ғалымжан Мырзабаев, сондай-ақ Қазақстанның Азаматтық альянсының атқарушы директоры Мұрат Омашев "Шапағат" медалімен марапатталды.
Ерлан Қарин Тәуелсіздік пен егемендіктің, барша азаматтың берекелі бірлігі мен ырысты ынтымағының жарқын символы саналатын ұлттық мереке – Республика күнімен марапат иелерін құттықтады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:32, 23 қазан 2024
Астанада Жошы ұлысының 800 жылдығына арналған көрме ашылды
-
22:22, 23 қазан 2024
Маңғыстауда полиция полковнигінің ұлы 10 жылға сотталды
-
22:00, 23 қазан 2024
Атырауда жоғалып кеткен егде жастағы ер адам табылмай жатыр
-
21:49, 23 қазан 2024
Аса ауыр қылмыс жасады деп күдікке ілініп, іздеуде болған қазақстандық Армениядан ұсталды
-
21:42, 23 қазан 2024
Ақтөбеде науқас балалардың еміне жиналған ақшаны жымқырды деген айыппен қор басшысы сотталды