Президент жасанды интеллектінің көмегімен «Үлкен тілдік түркі моделін» әзірлеуді ұсынды
© Сурет: pixabay
Қасым-Жомарт Тоқаев Түркі мемлекеттері ұйымының бейресми саммитінде сөйлеген сөзінде коммуникация саласын келесі маңызды бағыт ретінде атады, деп хабарлайды Zakon.kz.
"Бүгінде Каспий теңізінің түбімен талшықты-оптикалық кабель тарту жұмыстары жүргізіліп жатыр Бұл жоба елдеріміз арасындағы байланыстың сапалы болуын қамтамасыз етеді. Сондай-ақ аймақтың әлеуметтік-экономикалық өсіміне жағдай жасайды. Жасанды интеллект және спутник жүйесі сияқты озық технологияның әлеуеті де зор. Біз жасанды интеллект саласы кадрларын даярлау мәселесіне баса мән береміз. Осы ретте арнайы мектептер желісін құруды көздеп отырмыз. Ол әлемдегі озық компаниялардың платформасына негізделетін болады. Біз Орталық Азияда IT-стартаптармен айналысатын "Astana Hub" технопаркін құрдық. Баршаңызды осы хабтың әлеуетін пайдалануға шақырамын", – деді Қасым-Жомарт Тоқаев.
Президент елдеріміз үшін төл өркениетіміз бен ана тілімізді сақтау мәселесі айрықша маңызды екенін атап өтіп, жасанды интеллектінің көмегімен "Үлкен тілдік түркі моделін" әзірлеуді ұсынды.
Мемлекет басшысының айтуынша, климаттық өзгерістерді бақылаудың мәні зор.
"Сарапшылар әлемдегі орташа температура 1,5 цельсий градустан көтерілуі мүмкін дейді. Оның ықтималдығы 80 пайыздан асты. Яғни, климатқа қатысты күрделі ахуал қалыптасып отыр. Жер шарының әр түкпірінде болып жатқан аптап ыстық, орман өрті, қуаңшылық пен су тасқыны – осының айқын дәлелі. Біз түркі әлемімен бірлесіп, климат мәселесі бойынша ынтымақтастықты күшейтуге дайынбыз. Осы ретте биыл Әзербайжанда өтетін СОР29 климат конференциясының жұмысына белсене қатысуды жоспарлап отырмыз. Қазақстан климаттың өзгеруіне қатысты міндеттемелерге жауапкершілікпен қарайды. Біз 2026 жылы Біріккен Ұлттар Ұйымы аясында Өңірлік климат саммитін өткіземіз. Саммиттің жұмысына түркі бауырларымыз белсенді қатысады деп сенемін", – деді Мемлекет басшысы.
Бұған дейін Мемлекет басшысы Қазақстанның Түркі мемлекеттері ұйымының қазіргі төрағасы ретінде оның қызметі барынша тиімді болғанын қалайтынын айтқан еді.
Сондай-ақ Қасым-Жомарт Тоқаев экономикалық ынтымақтастықты дамыту үшін қаржы саласындағы байланысты нығайта түсу керектігін, осы ретте Түркі орталық банктерінің кеңесін құру қажет екенін айтты.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
10:52, 5 қазан 2024
Қазақстан-Ресей шекарасындағы жүк көліктері кептелісіне қатысты түсініктеме берілді
-
10:14, 5 қазан 2024
ҚР Оқу-ағарту министрі: Ұстаз - болашақтың негізін қалаушы ұлт келбеті
-
09:57, 5 қазан 2024
«Білім бар, таныс жоқ». Желіде ағылшыншасы судай күзетшінің видеосы көптеп тарауда
-
09:46, 5 қазан 2024
Алматыда Интерполдың сұрауымен шетелдік азамат ұсталды
-
09:39, 5 қазан 2024
Қоқыс арасынан табылған ішінде ақшасы бар пакет астаналық зейнеткерге табысталды