Спорттық жартасқа өрмелеуден Әлем кубогі кезеңінде Амир Маймұратов күміс медаль иеленді

Спорттық жартасқа өрмелеуден Қазақстан командасының көшбасшыларының бірі Амир Маймұратов Сеулде өтіп жатқан (Оңтүстік Корея) Әлем кубогі кезеңінде күміс медаль иеленді, деп хабарлайды Zakon.kz.

Ұлттық Олимпиада комитетінің хабарлауынша, 4 қазанда "жылдамдық" бойынша жарыстың финалы болып өтті.

Маймұратов бірінші орын үшін қытайлық спортшы СиньШань Ванмен жарысты. Дегенмен ол қарсыласынан жеңіліп қалды.

Үшінші орын Индонезиядан келген Киромал Катибинге бұйырды.

Бұған дейін дзюдодан жасөспірімдер арасындағы Әлем чемпионатында Азат Күмісбай қола медаль иеленгенін хабарлаған болатынбыз.