Португалияда 5 балдық жер сілкінісі болды

26 тамызда Португалияда жер сілкінісі болды. Әлеуметтік желіге сүйенсек, зілзаланы Порту, сондай-ақ Испания мен Мароккода тұрғындары сезген. Португалия теңіз және атмосфера институтының (IPMA) мәліметтері бойынша жер сілкінісінің магнитудасы 5,3 баллды құрады, деп хабарлайды Zakon.kz.

Португалия үкіметінің хабарлауынша, болған жер сілкінісі елдің табиғи апаттарға дайындығын тексеруге мүмкіндік берді.

"Бұл табиғи апат біздің қажетті құралдарымыздың, дайындығымыздың бар-жоғын түсіндіреді. Сондай-ақ, дайындықты тексеруге мүмкіндік береді". Паулу Рангел, Португалия СІМ басшысы

Дүмпулер таңғы 5-те тіркелді, олардың эпицентрі Синиш қаласынан батысқа қарай 58 км жерде, теңізде, 21 км тереңдікте болды.

Португалия теңіз және атмосфера институтының (IPMA) мәлімдемесінде жер сілкінісі адамдарға және олардың мүлкіне зиян тигізбеді делінген.

1 тамызда бір тәулік ішінде әлемде 917 жер сілкінісі орын алғаны хабарланған болатын.