Павлодар облысында 1,5 жасар бала бесінші қабаттан құлады

28 тамызда Павлодар облысында 1,5 жасар бала бесінші қабаттағы пәтердің терезесінен құлады. Дәрігерлер баланың жағдайы қандай екенін айтты, деп хабарлайды Zakon.kz.

"28 тамызда сағат 16:20-да облыстық балалар ауруханасының қабылдау бөлімшесіне 2022 жылы туған ұл бала жеткізілді. Ол бесінші қабаттан құлаған. Баланың жасы – 1 жас 8 ай", деп хабарлайды Pavlodarnews.kz облыстық денсаулық сақтау басқармасының баспасөз қызметіне сілтеме жасап.

"Бала тексеріліп, жабық бас жарақаты, ми шайқалуы диагнозы қойылды", – деді облыстық денсаулық сақтау басқармасының баспасөз орталығы.

Бала травматология бөлімшесіне жатқызылды.

Айта кетсек, 28 тамызда Қарағандыда ашық жатқан құдыққа түсіп кеткен 10 жасар бала құтқарылды.