Оралда автобус пен жедел жәрдем көлігінің қатысуымен ірі жол апаты болды

Оралда 21 қаңтарда сағат 10:44-те Құрманғазы мен Дәулеткерей көшелерінің қиылысында ірі жол апаты болды. Екі жеңіл көлік, №22 жолаушылар автобусы және медициналық арнайы көлік соқтығысты, деп хабарлайды Zakon.kz.

Бұл туралы "Мой город" порталы Батыс Қазақстан облысы полиция департаментіне сілтеме жасап хабарлады.

Соқтығыс жедел жәрдем көлігі негізгі жолдағы қосалқы жолдан шығып, автобусты өткізбей қойған кезде болғаны анықталды. Осы кезде жақын жерде Toyota Camry және Haval көліктері тұрған.

Апат салдарынан жедел жәрдем көлігі бүйіріне құлап кеткен. Екі ересек адам мен бір бала зардап шеккен.

"Жедел жәрдем бригадасы зардап шеккен 2007 жылы туған баланы облыстық балалар көпсалалы ауруханасына жеткізді. Оған амбулаторлық ем тағайындалды. 67 жастағы ер адам мен 49 жастағы әйелге көпсалалы ауруханаға жатқызылды. Қазір оларды тексеріп жатыр", - деп хабарлады Батыс Қазақстан облыстық денсаулық сақтау басқармасы.