Астаналық оқушылар ертең қашықтан оқиды

Астанада ауа райының нашарлауына байланысты бірінші ауысымның 0-9-сынып оқушылары үшін сабақтар қашықтан оқыту форматына көшеді, деп хабарлайды Zakon.kz.

Бұл туралы Астана әкімдігі қалалық білім басқармасына сілтеме жасап хабарлады.

"2025 жылғы 22 қаңтарда ауа райының нашарлауына байланысты қала мектептерінде бірінші ауысымның 0-9-сынып оқушылары үшін сабақтар қашықтан оқыту форматына көшеді", - деп хабарлады білім басқармасы.

Еске салайық, бұған дейін синоптиктер 22 қаңтарда Қазақстанның бірнеше өңірінде қолайсыз ауа райына байланысты ескерту жасаған еді.