Нұр-Сұлтанда ақша бопсалады деген күдікпен журналист Махамбет Әбжан ұсталды

09:15, 3 шілде 2022

© Сурет: видеодан алынды

Журналист Махамбет Әбжанды ұстап жатқан сәттің видеосы желіде пайда болды, деп хабарлайды Zakon.kz.

Оны елордадағы бизнес-орталықтардың бірінде Сыбайлас жемқорлыққа қарсы қызмет қызметкерлері ұстады.

Құзырлы ведомство оған қатысты ҚР Қылмыстық кодексінің 194-бабы, 4-бөлігі, 2-тармағы (аса ірі мөлшерде ақша бопсалау) бойынша сотқа дейінгі тергеу амалдары тіркелгенін хабарлады.

Сыбайлас жемқорлыққа қарсы қызмет БАҚ-та нұқсан келтіретін мәліметтер тарату қаупімен кәсіпкерлерден аса ірі көлемде ақша қаражатын бопсалаған азамат М. Әбжанның қылмыстық әрекетінің жолын кесті. Антикор

3 шілдеде жүргізілген арнайы операцияның нәтижесінде азамат М. Әбжан 50 миллион теңге алғаннан кейін ұсталып, Нұр-Cұлтан қаласы ПД УҰИ-ға қамауға алынды. М. Әбжанның басқа да ұқсас қылмыстарға қатыстылығы туралы ақпарат тексеріліп жатқандығы да айтылады.

ҚР ҚПК-нің 201-бабына сәйкес өзге ақпарат тергеу мүддесінде жария етуге жатпайды.

Оқи отырыңыз

Мәдениет және спорт министрлігінің лауазымды тұлғалары тергеліп жатыр

Алматылық ЖОО 117 млн теңгеге тендер арқылы кітап сатып алуды жоспарлаған

Қостанай облысында шенеуніктер адам саудасымен айналысты деген күдікке ілінді

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!