NASA-ның 600 килограммдық серігі жақында Жерге құлайды

Үлкен Van Allen Probe A серігі Жердің атмосферасына түсуге дайын, ол 14 жылға жуық орбитада болған. Серіктің құлауы 2026 жылғы 11 наурызда күтілуде, деп хабарлайды Zakon.kz.

Naked Science басылымының жазуынша, салмағы шамамен 600 килограмм болатын бұл аппарат 2012 жылғы тамызда өзінің "сыңары" – Van Allen Probe B серігімен бірге ұшырылған. Екі серік те Жердің радиациялық белдеулерін зерттеу үшін арналған, олар Ван Аллен белдеулері деп аталады.

NASA болжамынша, атмосферадан өту кезінде аппараттың басым бөлігі жанып кетеді, бірақ кейбір құрылымдық элементтері аман қалып, Жер бетіне түсуі мүмкін.

Серіктен зардап шегу мүмкіндігі өте төмен – шамамен 1:4200 немесе 0,02%. Жер бетінің шамамен 70%-ын мұхиттар алып жатқандықтан, серіктің қалдықтары ең ықтимал ашық мұхитқа түседі, ал халық тығыз қоныстанған аймақтарға түсуі сирек.

Яғни, серіктің құлауы адамға қатер төндірмейді, бірақ ғарыш аппараттарының атмосферадан өту кезінде қалай өртенетінін және қалдықтардың қайда түсуін бақылау маңызды.

Бұған дейін Антарктика мұхитының түбінен акула байқалғанын жазғанбыз.