Месси мансабындағы 61-хет-трикін жасап, командасына сырт алаңда ірі жеңіс сыйлады

МЛС чемпионатының кезекті тур матчтарының бірінде Интер Майами футбол клубы сырт алаңда Цинциннати командасын 5:3 есебімен жеңді. Бұл кездесуде аргентиналық жұлдыз Лионель Месси қарсылас қақпасына үш гол соғып, матчтың басты қаһарманы атанды.

Флорида клубының капитаны үшін бұл голдар кәсіби мансабындағы 908, 909 және 910-гол болды. Осылайша, Месси 23 жылдық футбол жолында жалпы саны 61-хет-трик жасап үлгерді.

Осы матчтан кейін аңызға айналған Мессидің гол саны 1153 ойыннан кейін 910-ға жетті:

• "Барселона" сапында – 672 гол,
• Аргентина құрамасы үшін – 116,
• "Интер Майами" үшін – 90,
• ПСЖ құрамында – 32 гол.

Соңғы үш голының арқасында Месси МЛС чемпионатының үздік сұрмергендері тізімінде Уго Кейперспен теңесті. Қазір екеуінің де еншісінде 12 голдан бар.

Посмотреть эту публикацию в Instagram

Публикация от Inter Miami CF (@intermiamicf)

Айта кетейік, "Цинциннатиге" қарсы ойын алдында Месси "Интер Майамидегі" жалақысына қомақты үстемақы алған болатын.