Мемлекет басшысы Полиция күніне арналған концертті тамашалады

19:07, 23 маусым 2025

© Сурет: Ақорда

Мемлекет басшысы Қасым-Жомарт Тоқаев 2025 жылы 23 маусымда Полиция күніне арналған концертті тамашалады, деп хабарлайды Zakon.kz.

"Заң және тәртіп" апталығы аясында өткен мерекелік іс-шараға құқық қорғау құрылымдарының басшылары, Ішкі істер министрлігінің жеке құрамы, ардагерлер, сондай-ақ азаматтарды құтқару үшін өмірін құрбан еткен полиция қызметкерлерінің жақындары қатысты.

Концертте отандық өнер шеберлерінің шығармалары ұсынылды.

Кәсіби міндетін орындау кезінде қаза болған құқық қорғау органдарының қызметкерлерін еске алған реквием көпшіліктің көңілін қозғады.

"Жас сақшы" полиция сыныбы оқушыларының орындауындағы ән де ерекше жылы әсер қалдырды.

Бұған дейін Мемлекет басшысы қызмет барысында ерлікпен қаза тапқан, сондай-ақ ерекше көзге түскен полицейлерді марапаттаған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!