Маңғыстауда өз балаларына миллиондаған теңге қарызы бар әке сотталды

Маңғыстау облысында жыл басынан бері алимент төлеуден жалтарған 133 борышкер жауапкершілікке тартылды. Прокуратураның араласуымен 95 миллион теңгеден астам алимент қарызы өндірілді, деп хабарлайды Zakon.kz.

Қадағалау органының мәліметінше, олардың 27-сі қылмыстық, ал 106-сы әкімшілік жауапкершілікке тартылған.

Көп борышкер бірнеше жыл бойы алимент төлеуден жалтарып, табысын жасырған және өз міндеттемелерін орындамау үшін ресми түрде жұмысқа орналаспай жүрген.

Тексеру нәтижесінде оған қатысты Қылмыстық кодекстің 139-бабы бойынша қылмыстық іс қозғалды. Сот ер адамды кінәлі деп танып, бір жылға бас бостандығын шектеу жазасын тағайындады.

Үкім заңды күшіне енгеннен кейін ол алимент бойынша берешегін толық өтеген.

Жалпы, биылғы алғашқы жартыжылдықтың қорытындысы бойынша прокуратураның ықпалымен 95 миллион теңгеден астам алимент қарызы өндіріліп, 395 кәмелетке толмаған баланың құқығы қорғалған.