LRT ісі бойынша қайтарылған активтердің жалпы құны 920 млн теңгені құрады

"Astana LRT" және "РОП Оператор" ЖШС құрылыстары кезіндегі жымқыру фактілері аясында мемлекет қомақты көлемде мүлік пен бюджетке ақша жинауды жалғастыруда, деп хабарлайды Zakon.kz.

Бұл туралы Астана прокуратурасы 2025 жылдың 8 сәуірінде хабарлады.

Елорда прокуратурасы мемлекет, оның ішінде жалғыз құрылтайшысы Астана қаласының әкімдігі болып табылатын "City Transportation Systems" ЖШС-нің (бұрынғы "Astana LRT" Компаниясының) пайдасына қатысты сот актілерінің орындалуына талдау жүргізді.

Қадағалау шараларымен борышкерлер мемлекет балансына жалпы 40 жылжымайтын мүліктерді берді, оның ішінде:

• 39 тұрғын емес үй-жай;
• ауданы 12,8 га темір жолдары бар асфальт-бетон зауытының жылжымайтын мүлікке қызмет көрсетудің нысаналы мақсаты болып табылатын жер учаскесі.

Қайтарылған активтердің жалпы құны 920 млн теңгені құрады.

Мемлекеттің пайдасына құны 615 млн теңге тұратын тағы 37 мүлік нысаны өндірілуде.

Бұл бағыттағы жұмыстар жалғасуда.