Түркістанда Тоқаев пен Бердімұхамедов «Этноауыл» кешенін аралады

2025 жылы 21 сәуірде кешкісін Қасым-Жомарт Тоқаев пен Гурбангулы Бердімұхамедов "Этноауыл" кешеніне барды, деп хабарлайды Zakon.kz.

Мемлекет басшысы мен Түрікменстан Халк Маслахатының төрағасы "Әзірет Сұлтан" музей-қорығының аумағында орналасқан ұлттық-мәдени кешенді аралап көрді, делінген Ақорда баспасөз қызметінің хабарламасында.

Сурет: Ақорда

Қасым-Жомарт Тоқаев пен Гурбангулы Бердімұхамедов шығыс базарын аралап, дәнді дақылдардың сұрыптарымен танысты.

Сурет: Ақорда

Мәртебелі меймандарға ұлттық тағам түрлері, ағаштан түйін түю, кілем тоқу, киіз басу, қыш және зергерлік бұйымдар жасау сияқты халық қолөнері шеберлерінің туындылары көрсетілді, салт-дәстүрімізді паш ететін театрландырылған қойылым ұсынылды.

Сурет: Ақорда

Сонымен қатар олар тазы мен қыран құстарды тамашалады.

Сурет: Ақорда

Бұған дейін Қазақстан Президенті мен Түрікменстан Халк Маслахатының төрағасы түркі тілдес елдерге ортақ ең көрнекті рухани және тарихи-мәдени ескерткіштердің бірі, ЮНЕСКО Бүкіләлемдік мұралар тізіміне енген Қожа Ахмет Ясауи кесенесіне барғанын жазғанбыз.