Қызылордада жайылымда жүрген малдарды ұрлап жүрген қылмыстық топ ұсталды

Қызылордада мал ұрлығымен айналысқан үш адамнан тұратын топ ұсталды. Олардың есебінде мал ұрлығының жеті эпизоды бар, деп хабарлайды Zakon.kz.

Полицейлер оларды кезекті қылмыс жасап, "ізін суытпақ" болған кезде қолға түсірді.

Жедел-іздестіру іс-шараларының нәтижесінде жәбірленушілерге тиесілі ірі қара мал күдіктілерден заттай дәлелдеме ретінде алынып, қайтарылды.

Тергеу барысында күдіктілердің еркін жайылымда қараусыз жүрген малдарды жасырын ұрлап, ГАЗель автокөлігімен тасымалдағаны анықталды.

Мал ұрылары уақытша ұстау изоляторына қамауға алынды.