Қызылордада бесіктегі сәби тірідей жанып кетті

14:08, 19 ақпан 2021
504

Қызылордада жер үй өртеніп, бір жасар сәби көз жұмды. Бесікте жатқан бала тірідей жанып кеткен. Қайғылы оқиға 18 ақпанда түнгі бірлер шамасында облыс орталығындағы Кызылжарма шағынауданында болған. Отқа оранған баспанадан анасы мен төрт қызы шығып үлгеріпті. Ал 2019 жылы дүниеге келген шарананың не себепті іште қалып қойғаны әзірге белгісіз. Қазір тілсіз жаудың анық-қанығы мен неден тұтанғаны тексеріліп жатыр.

Бұл туралы Еуразия бірінші арнасы хабарлайды.

Алматы іргесіндегі Тұздыбастау ауылында да түнде жер үй өртеніп кетті. Абырой болғанда адам шығыны жоқ. Үй иесі мен әйелі және екі баласы аман қалған. Қазір қызыл жалынның неден шыққаны анықталып жатыр. Негізгі себеп – тоқтың тұйықталуы мүмкін деген жорамал бар.

Ал, Өскеменде өрт шыққан тұрғын үйден 13 адамды құтқарушылар эвакуацияланды. Ыс тиген 12 жастағы жеткіншек ауруханаға жеткізілген, қазір оның өміріне еш қауіп төніп тұрған жоқ, дейді ақ халаттылар. Жалынның шығуына өрт қауіпсіздік талаптарының сақталмауы себеп болған.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір