Қызылордада аса ірі мөлшерде есірткі затын тасымалдаған облыс тұрғыны ұсталды

Қызылордада аса ірі мөлшерде есірткі затын тасымалдаған облыс тұрғыны ұсталды. Ол көлігімен Самара-Шымкент тас жолының Арал ауданы аумағының тұсында жол қозғалысы ережесін бұзып, полицейлердің назарына ілінген, деп хабарлайды Zakon.kz.

"Тексеру барысында автокөліктің жүк салғышынан жолаушыға тиесілі бірнеше бөліктерге бөлініп, салынған ерекше иісі бар шөп ұнтақтары анықталды. Сараптама қортындысына сәйкес анықталған зат салмағы 1,8 кг. кептірілген марихуана екені белгілі болды. Бұл аса ірі мөлшерге жатады". Арал ауданының полиция бөлімінің бастығы Әлтай Нұрсұлтан

Аталған дерек бойынша сотқа дейінгі тергеп-тексеру әрекеттері жүргізілуде.

57 жастағы облыс тұрғыны сот санкциясымен уақытша ұстау изоляторына екі ай мерзімге оқшауландырылды.