Қостанайда есірткі жасырып кетумен айналысқан студенттер 11 жылға түрмеге тоғытылды

Қостанайлық полицейлер облыс орталығының әр бұрышына есірткіні жасырын қойып кетумен айналысқан екі жігітті анықтады. Оның бірі дене шынықтыру факультетінің студенті болып шықты, деп хабарлайды Zakon.kz.

kstnews.kz ақпаратынша, сотталған студент төртінші курста білім алады.

Олардың жалдамалы пәтерін тінту кезінде 4 кг-нан астам синтетикалық есірткі — "А-PVP" тәркіленді.

Сонымен қатар, электронды таразылар, 240 мини-магниттер, электр таспасы, фольга және есірткіні орауға арналған басқа да құрылғылар табылды.

Табылған есірткінің құны қара нарықта шамамен 100 млн теңгені құрайды.

Осылайша, полицейлер айналымға 15 мыңнан астам дозаны жібермеді.

Есірткі заттарын аса ірі мөлшерде таратқаны үшін сот үкімімен екеуі де 11 жылға бас бостандығынан айрылды.

Үкім заңды күшіне енді.

Бұған дейін Өскемендік полицейдің жаяу жүргіншіні қағып өлтіргені хабарланды.