Қостанайда еркек төсекке жатудан бас тартқан қызды соққыға жықты
Қостанайда келіншекке интимді ұсыныс жасап, оған қол жүгіртпек болған ер адамның ісі қоғамды дүр сілкінтті. Өз дегеніне қол жеткізбеген жігіт нәзік жанды ұрып, басына зақым келтірген.
Оқыс жайт 10 мамырда болыпты. Жеңіс күнін тойламақ болған бір топ еркек коттедж жалдап, қонаққа таныс қыздарын шақырған. Түнгі 3-те көңілді отырысқа қосылған үш бұрымдының бірін төсекке тартпақ болған жігіт келіншек дегеніне көнбеген соң, оны ұрып-соққан.
Бұл туралы Еуразия бірінші арнасы хабарлайды.
Лаура Сүндет, зардап шегуші:
"Мен ешқашан да зорлық-зомбылықтың құрбаны болмадым. Сондықтан да полицияға жүгініп отырмын. Ал, жігіттің тарапы мені қорқытып, мәселені ақшамен шешуге тырысуда. Мені ақша қызықтырмайды. Мен тек әділдік орнауын қалаймын".
Қазір нәзік жанға қатысты сот-медициналық сараптама тағайындалып, оның жарақатының деңгейі анықталу үстінде. Ал күдіктіге қатысты қылмыстық іс қозғалып, сотқа дейінгі тергеу жұмыстары басталды. Жігіттің өзі кінәсін мойындаған жоқ. Ал көңілді кешке қатысушылардың барлығы төтенше жағдай режимін бұзғаны үшін әкімшілік жауапкершілікке тартылды.
Нұрлан Арыстанов, облыстық полиция департаментінің тергеу басқармасының бастығы:
"Бұл қылмыстық іс полиция департаментінің қадағалауында. Бұған қоса, зардап шеккен 22 жастағы қызға психологтер көмек көрсетіп, онымен жұмыс істейтін болады".
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:17, 28 наурыз 2024
Алматыда экопосттар жойылады ма - Ішкі істер министрлігі жауап берді
-
12:59, 28 наурыз 2024
Жамбыл облысында қоймада шіріген пияз қоқысқа тасталып жатыр
-
12:43, 28 наурыз 2024
Крокус Сити Холлдағы теракт: Қазақстандағы барлық сауда орталықтары мен концерт залдары тексеріледі
-
12:25, 28 наурыз 2024
Қазақстандағы мопедистерге жаңа талаптар қойылады
-
12:06, 28 наурыз 2024
Бектенов Қазақстанның су тасқыны қаупі бар өңірінде болды