«Қазан Экспо» көрме орталығында Тоқаевты Путин күтіп алды

Мемлекет басшысы Қасым-Жомарт Тоқаев БРИКС-тің XVI саммиті өтіп жатқан "Қазан Экспо" халықаралық көрме орталығына келді, деп хабарлайды Zakon.kz.

"Мемлекет басшысы Қасым-Жомарт Тоқаев БРИКС-тің XVI саммиті өтіп жатқан "Қазан Экспо" көрме орталығына келді. Қасым-Жомарт Тоқаевты Ресей Федерациясының президенті Владимир Путин күтіп алды", делінген Ақорда баспасөз қызметінің хабарламасында.

Бұған дейін Қасым-Жомарт Тоқаев Ресей Федерациясының Президенті Владимир Путиннің шақыруымен БРИКС-ке мүше мемлекеттер басшыларының XVI Саммитіне қатысу үшін Қазан қаласына жұмыс сапарымен келіп жеткені хабарланған. Сапар аясында Қазақстан Президенті екіжақты кездесулер өткізіп, БРИКС-тің "аутрич"/"БРИКС+" форматындағы пленарлық отырысында сөз сөйлейді деп күтіледі.