Қазақстандықтар Республика күнінде қалай демалады

Қазан айындағы басты мереке – 25 қазанда атап өтілетін Республика күні, деп хабарлайды Zakon.kz.

Биыл Республика күні жексенбіге сәйкес келетіндіктен, демалыс күні дүйсенбіге, 26 қазанға ауыстырылады.

Осылайша, бес күндік жұмыс аптасында қазақстандықтар үш күн қатарынан – 24 қазан, сенбіден 26 қазан, дүйсенбіге дейін демалады.

Республика күні – Қазақстанда жыл сайын 25 қазанда атап өтілетін ұлттық мереке.

Бұл мереке 1990 жылғы 25 қазанда Қазақ КСР Жоғарғы Кеңесі қабылдаған Республиканың мемлекеттік егемендігі туралы декларацияның құрметіне белгіленген.