Қазақстандық спортшы Азия ойындарында ММА-дан тұңғыш рет қола медаль иеленді

Қазақстан ұлттық құрамасының өкілі Санжар Әділов Жапонияның Айти–Нагоя қаласында өтіп жатқан ХХ жазғы Азия ойындарында қола медаль жеңіп алды, деп хабарлайды Zakon.kz.

Қазақстандық спортшы ММА-дан дәстүрлі стиль бойынша 65 келіге дейінгі салмақ дәрежесінде жүлдегер атанды.

Аралас жекпе-жек (ММА) Азия ойындарының бағдарламасына тарихта алғаш рет енгізілді. Осылайша, Санжар Әділов Азия ойындарында ММА-дан медаль алған алғашқы қазақстандық спортшылардың бірі атанды.

ХХ жазғы Азия ойындары Айти–Нагояда 2026 жылғы 19 қыркүйек пен 4 қазан аралығында өтеді.

Посмотреть эту публикацию в Instagram

Публикация от Batyr Team | МЧС РК (@112batyr_team_)

Бұған дейін 21 қыркүйекте Азия ойындарында бақ сынайтын қазақстандық спортшылардың жарыс кестесі белгілі болған еді.