Қазақстандағы ең ұзын жол туннелі туралы не белгілі

Түркістан облысы Шақпақ баба асуындағы автокөлік тоннелі ашылып, пайдалануға берілді, деп хабарлайды Zakon.kz.

Бұл нысан "Батыс Еуропа – Батыс Қытай" халықаралық көлік дәлізіне жатады. Нысанды ресми түрде көлік вице-министрі Сәтжан Аблалиев ашты.

"Бұл – Қазақстанның көлік инфрақұрылымы үшін маңызды оқиға. Еліміздегі алғашқы тоннель. Бүгін ашылғаннан кейін негізгі көлік ағыны Шақпақ Баба елді-мекенінің айналма жолына бағытталды. Бұл елді-мекеннің ішіндегі жол қауіпсіздігін арттыруға септігін тигізбек. Сонымен қатар нысан қыста жүргізушілердің Шақпақ баба асуында қар құрсауында қалып қоймауына мүмкіндік береді", — деп атап өтті вице-министр.

Нысанда қауіпсіздікті қамтамасыз ету үшін төмендегідей жүйелер қарастырылған:

• Жедел қызметтермен байланысуға арналған таксофондар;

• Жол жәшіктері;

• Бейнебақылау камералары;

• Өрт дабылдары;

• Люминесцентті шамдар;

• Апаттық шығу;

• Жарық қайтарғыш элементтер;

• Өрт сөндіру жүйесі;

• Өрт сөндіру резервуарлары;

• Нысанды тастардың құлауынан қорғайтын құмды бассейндер;

• Ақпараттық тақта және т. б.