Қазақстанда Сыбайлас жемқорлыққа қарсы жария портал құрылды

ҚР Сыбайлас жемқорлыққа қарсы іс-қимыл агенттігі "Ұлттық ақпараттық технологиялар" АҚ-мен бірлесіп, сыбайлас жемқорлыққа қарсы жария порталды іске қосты, деп хабарлайды Zakon.kz.

Ол сыбайлас жемқорлыққа қарсы іс-қимыл туралы ақпаратты бір ресурста жүйелеуге арналған. Ол арадан сыбайлас жемқорлыққа қарсы іс-шаралармен кез келген адам таныса алады.

Сондай-ақ порталды пайдаланушылар өздерін қызықтыратын, онлайн тестілеу және сертификат алу мүмкіндігі бар оқу курстарын таба алады.

Әлеуметтанулық зерттеулерге ерекше көңіл бөлінеді. Сауалнамадан өту мүмкіндігі көзделген.

Оның нәтижелері сыбайлас жемқорлыққа қарсы шараларды түзету және олардың тиімділігін бағалау үшін пайдаланылатын болады.

Профилактикалық жұмысты күшейту мақсатында, бұл ресурста "Сыбайлас жемқорлық картограммасы" қамтылған, онда сыбайлас жемқорлық тәуекелдеріне шалдыққан лауазымдар тізімі және мемлекеттік органдар мен өңірлер бойынша сыбайлас жемқорлық тәуекелдерінің картасы қамтылған.

Ниет білдірушілер ерікті ретінде кандидатураны қарау үшін сауалнама жолдай алады.

Осымен қатар, Порталда сыбайлас жемқорлыққа қарсы мәдениетті қалыптастыруға, лайықты мінез-құлықты тәрбиелеуге және қоғамда "Заң мен тәртіп" идеологиясын қалыптастыруға бағытталған бейнероликтер орналастырылған.

Бұл ресурста сондай-ақ сыбайлас жемқорлық туралы хабарлауға да мүмкіндік бар.

Агенттік барлығын сыбайлас жемқорлыққа қарсы порталға кіруге шақырады. Ол тұрақты түрде өзекті ақпаратпен толықтырылатын болады.

Бұған дейін Антикор шынайы ақпарат бергендерге 15 млн теңгеге дейін сыйақы беруді қарастыратынын хабарлағанбыз.