Қазақстанда қолма-қолсыз төлемдер рекорд көрсетті

"Қолма-қолсыз" төлемдер жалпы операциялар саны мен карталарды шетелде пайдалану көрсеткіші бойынша бірден екі рекордты жаңартты, деп хабарлайды Zakon.kz.

Ел ішінде операция көбейіп жатыр, бірақ өсім неге жоқ?

Ұлттық банктің мәліметінше, 2025 жылдың қазан айында Қазақстанда жергілікті және шетелдік банктердің карталары арқылы 1,2 млрд-тан астам қолма-қолсыз операция жасалған. Бұл — тарихтағы ең жоғары көрсеткіш. Өсім қарқыны да қалыпты: айына +4%, жылына +8%.

Мәселе мынада: жылдық номиналды өсім (+9%) инфляция деңгейінен (қарашада 12%-дан жоғары) төмен болды. Сондықтан бағаның өсуін есепке алғандағы нақты көлем шамамен 3%-ға қысқарды. Яғни операция саны көбейгенімен, ақшаның нақты сатып алу қабілеті төмендеген.

Ал шетелде бәрі басқаша

Екінші рекорд шынайы өсімді көрсетіп отыр – ол қазақстандық карталардың шетелде қолданылуына қатысты:

• Операциялар саны: 25,3 млн транзакция
• Өсім: +13% м/м және +15% г/г (2019 жылдан бергі ең жоғары деңгей)

Ішкі нарықта нақты ақшалай айналым қысқарғанымен, сыртқы нарықтарда қазақстандық тұтынушылардың шығыны мен белсенділігі едәуір өсіп отыр.