Қазақстанда ІІМ орынбасары және Ұлттық ұланның басшысы жаңадан тағайындалды

Мемлекет басшысының 2024 жылғы 18 қыркүйектегі бұйрығымен ҚР Ішкі істер министрінің орынбасары – Ұлттық ұланның Бас қолбасшысы жаңадан тағайындалды, деп хабарлайды Zakon.kz.

Бұл туралы Ақорда мәлімдеді.

"Мемлекет басшысының өкімімен Еркін Советбекұлы Ботақанов Қазақстан Республикасы Ішкі істер министрінің орынбасары – Ұлттық ұланның Бас қолбасшысы лауазымынан босатылды",- делінген хабарламада.

Таратылған ақпаратқа сүйенсек, Ботақановтың орнына Балтабеков сайланды.

"Мемлекет басшысының өкімімен Аңсаған Скендерұлы Балтабеков Қазақстан Республикасы Ішкі істер министрінің орынбасары – Ұлттық ұланның Бас қолбасшысы лауазымына тағайындалды",- деп жазды Ақорда.