Қазақстан қалаларында жоқ пәтерлерді «жалға беріп келген» тұрғын сотталды

17:24, 23 қаңтар 2025

© Сурет: polisia.kz

Солтүстік Қазақстан облысы полиция департаменті криминалдық полиция қызметкерлері Қазақстан қалаларында, негізінен Петропавлда, шын мәнінде жоқ пәтерлерді белсенді түрде "жалға беріп келген" Алматы облысының 33 жастағы тұрғынын анықтап ұстады, деп хабарлайды Zakon.kz.

Полицияның мәліметінше, ол пәтерлердің фотосуреттерін интернеттен алып, танымал сайттарда хабарландырулар орналастырған және хабарласқан әр клиентке пәтерді әлдебіреулер сұрап қойғанын айтып сендірген, алайда алдын ала төлем жасалса, жалға беруге келісетінін айтқан.

Бұл үшін ол 5 мыңнан 45 мың теңгеге дейінгі төлемді талап еткен, ал ақша қолына тиген соң, алданған адамның нөмірін бұғаттап, байланысқа шығуды тоқтатқан.

Мұқият жүргізілген тергеуден кейін полицейлер осы істі 16 эпизод бойынша сотқа жіберді.

Қазіргі уақытта алаяқ шартты түрде төрт жылға сотталды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!