Қазақстан әуежайларында шекаралық бақылауды жеңілдету жоспарланып отыр

Қазақстан әуежайларында шекаралық бақылаудан өту тәртібін ыңғайлы әрі жеңілдету жоспарланып отыр, деп хабарлайды Zakon.kz.

Тиісті бұйрық жобасын Көлік министрлігі дайындады.

Бұл үшін келесі шараларды қабылдау ұсынылады:

• Шекара қызметімен келісілген ұшу/қону кезінде жолаушылардың рәсімдерді өту уақытын реттейтін әуежайда стандарттың болуы;
• Бақылаудан өтуге дейін жолаушылар үшін рәсімдерді өту талаптары туралы қолжетімді ақпараттың болуы;
• Паспорттық тексеру кезінде жолаушыларға қызмет көостеудің жылдамдығын шекара қызметімен келісу;
• Жылына бір миллионнан астам жолаушы ағыны бар әуежайларда паспорттық бақылаудың автоматтандырылған жүйесінің болуы әуежай пайдаланушысына жүктеледі.

Жоба "Ашық НҚА" порталында жарияланды және 2025 жылғы 31 қаңтарға дейін қоғамдық талқылауға ұсынылды.