Қазақстан қоржынына 2025 жылғы Универсиадада үшінші алтын медаль түсті

Қазақстандық биатлоншы Никита Акимов Туринде (Италия) өтіп жатқан Универсиадада алтын медаль жеңіп алды, деп хабарлайды Zakon.kz.

Ол ерлер арасында 10 шақырым бойынша спринтте үздік атанды.

Швециялық Кнут Векстрем мәре сызығында екінші орын алды. Үздік үштікті Богдан Борковский (Украина) түйіндеді.

Айта кетейік, Қазақстан құрамасының қоржынында қазір үш алтын медаль бар. Бұған дейін Универсиадада могулисші Анастасия Городко екі рет жеңіске жеткен еді.