Қазақстан азаматтығын алғысы келетіндерге маңызды ақпарат берілді

2025 жылдың 16 сәуірінде Ұлттық тестілеу орталығы Қазақстан Республикасының азаматтығына түсуге үміткерлерге хабарландыру жариялады, деп хабарлайды Zakon.kz.

Ұлттық орталық азаматтық алу үшін тестілеуге өтініштер 17-29 сәуір аралығында қабылданатынын хабарлады.

"Ұлттық тестілеу орталығының app.testcenter.kz сайтында немесе UTO қосымшасы арқылы тіркелуге болады. Тестілеудің өзі 30 сәуірде өтеді", – делінген хабарламада.

Тестілеу үш блоктан тұрады:

• тіл білімін бағалау жүйесінің бастауыш деңгейінде қазақ тілін білуді анықтауға арналған тест (қазақ тілінде) – 60 тапсырма, шекті балл – 36;
• Қазақстан Республикасы Конституциясының негіздері бойынша тест (қазақ немесе орыс тілдерінде) – 15 сұрақ, шекті балл – 9;
• Қазақстан тарихынан тест (қазақ немесе орыс тілінде) – 25 сұрақ, шекті балл – 15.
• Ең жоғары балл – 100, шекті балл – 60.

Толығырақ ақпарат testcenter.kz сайтында "Азаматтыққа үміткерлер" бөлімінде берілген.

Дайындығын жақсартқысы келетін талапкерлерге тегін ("testcenter.kz сайтында "Азаматтыққа үміткерлер" бөлімінде) және ақылы ("app.testcenter.kz сайтында "Сынақ тестілеу" бөлімінде – 3355 теңге) сынақ тестілеуі ұсынылады.

Бұған дейін 2024 жылы Қазақстан азаматтығын алғандардың саны рекордтық аз екені белгілі болған еді.