Қарағанды облысында суға батып кеткен екінші оқушы қыздың денесі табылды

Қарағандық құтқарушылар Нұра өзеніне батып кеткен 15 жасар қыздың мәйітін тапты. Бұл туралы 2024 жылдың 2 шілдесінде облыстық ТЖД мәлімдеді, деп хабарлайды Zakon.kz.

Естеріңізге сала кетейік, 29 маусымда Нұра өзенінде екі оқушы суға батып кетті. Қайғылы оқиға Бұқар жырау ауданының Қызылжар кентінде болған. 19: 00-де жедел құтқару жасағының күштері 2011 жылы туған қыздың денесін тауып, шығарып алды. 2009 жылы туған қызды іздеу жалғасуда.

"Сағат 08:50-де сүңгуірлер үш күн бойы іздеуде болған 15 жасар қыздың денесін тапты... Суға батқан екінші қыздың денесін құтқарушылар шомылу орнынан шамамен 1300 м қашықтықта тапты". Қарағанды облысы ТЖД баспасөз қызметі

Іздеуге облыстық ТЖД және ПД, Теміртау қалалық аңшылар мен балықшылар қоғамының қызметкерлері, туыстары мен жергілікті тұрғындар қатысты.

Барлығы 40 адам, тоғыз бірлік техника және жеті жүзу құралдары жұмылдырылды. Іздеу жұмыстарына өзеннің қатты ағысы кедергі келтірді.