Атырауда қарақұрт малды шетінен қырып жатыр
![](https://mail.kz/images/dc08a562b44b9c7cb12094d5bf1e87bd-slider.jpg)
© Сурет: видео скрині
Атырау облысының Индер, Исатай және Құрманғазы аудандарында қарақұрт қаптауына байланысты ветеринариялық емдеу іс-шаралары жүріп жатыр. Жәндіктер 397 түйені шағып үлгерген, деп хабарлайды Zakon.kz AtyrauPress-ке сілтеме жасап.
Атырау облысы ауыл шаруашылық және жер қатынастары басқармасының ресми өкілі Ақтілек Нұроллаеваның айтуынша, зиянкес шаққан 397 түйенің 63-і өлген.
"Облысқа қарасты құмды өңірлерде осы улы жәндіктердің көбеюі байқалуда. Осындай 217 бас түйеге симптоматикалық ем жасалды. Қалғанына ем-дом әлі жалғасып жатыр. Ауырған және аурудан өлген жануарлардың қанынан сынама алынып, облыстық ветеринариялық зертханаға тапсырылды. Зерттеу жүргізілуде, нәтижелері туралы қосымша хабарланатын болады. Сондай-ақ, мал иелеріне улы жәндіктер көп тараған жайылымда түйе,жылқы және сиыр малдарын жаймауды, ауру белгілері білінсе, жедел түрде хабарлауды сұраймыз", - деді ол.
Қазір зиянкес Индер ауданының Өрлік, Көктоғай, Есбол және Елтай ауылдарын қаптады. Қарақұрт шаққан 81 бас мал емделді, 10-на ем-дом жалғасуда. 23 мал, оның ішінде 17 түйе, 1 жылқы және 5 құлын қырылып қалды. Улы жәндік ауыл тұрғындарын да шаққан. Бұл туралы Индер ауданы әкімдігінің ресми өкілі Әли Жайшылық айтты.
Алғашқы жағдай 29 мамырда тіркелді. Барлығы 9 адамды шаққан, оның жетеуі - ересек адам және екеуі мектеп оқушысы. Балалар 7 және 15 жаста. Казірдің өзінде 8 ауыл тұрғыны стационарлық ем алса, 1 адам амбулаторлық ем қабылдап жатыр. Ал біреуі ауруханаға барудан бас тартты. Ауруханаларда қарақұрт уына қарсы дәрі жеткілікті, - деді Әли Жайшылық.
Айта кетейік, емдік шаралардың ақысы мен өлген малға өтемақы төлеу қарастырылмаған.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
09:02, 6 шілде 2024
6 шілде – Астана күні!
-
23:19, 5 шілде 2024
Төреғали Төреәлі алтыншы рет әке атанды
-
23:06, 5 шілде 2024
Жетісуда Бейсен Құранбек атындағы журналистер мектебі ашылады
-
23:06, 5 шілде 2024
Жетісуда Бейсен Құранбек атындағы журналистер мектебі ашылмақ
-
22:29, 5 шілде 2024
Қазақстанда вандализм үшін жаза қатаңдатылды