Қапшағай тұрғыны су қоймасына мотор майын төккені үшін 629 мың теңге айыппұл төлеуі мүмкін

Алматы облысының табиғатты қорғау полициясы Қапшағай су қоймасының ластану фактісін анықтады. Жағалау аймағының тұрғыны су қоймасына мотор майын төккен, деп хабарлайды Zakon.kz polisia.kz-ке сілтеме жасап.

Аталған дерекке қатысты материалдар одан әрі қаралып, тәртіп бұзушыға қатысты шара қолдану үшін экология департаментіне жолданды.

Құқық бұзушы 160 АЕК-ге дейiнгi мөлшерде айыппұл төлеуі немесе 160 сағатқа дейiнгi мерзiмге қоғамдық жұмыстарды атқаруы немесе 40 тәулікке дейінгі мерзімге қамауға алынуы мүмкін.

Сурет: polisia.kz

Полиция су айдындарын ластаудың қоршаған ортаға үлкен зиян келтіріп, ауыр зардаптарға әкелетінін ескертті.

"Тұрғындарды кез келген экологиялық құқық бұзушылықтарға қатысты фактілер туралы хабарлауға шақырамыз", - деп хабарлады полиция.