Қайрат Құдайбергеннің ағасы Бішкекте ұсталып, Алматыда қамауға алынды

ҚР Сыбайлас жемқорлыққа қарсы қызметі 2023 жылдан бері іздеуде жүрген Дархан Өмірәлиевті ұстады, деп хабарлайды Zakon.kz.

Бішкекте ұсталып, Алматыға жеткізіліп, Полиция департаментінің уақытша ұстау изоляторына қамалды.

"Ол бұрын сот үкімі бойынша тәркіленген үш үй мен екі пәтер түріндегі мемлекет мүлкін ұрлады деген күдікке ілінді.Алаяқтық Алматы қаласы әкімдігінің және Ұлттық қауіпсіздік департаментінің лауазымды тұлғаларының қатысуымен жылжымайтын мүлікті бақылаудағы тұлғаларға әдейі төмен бағамен және белгіленген аукциондарды өткізбей сату арқылы жасалған", — деп хабарлады "Антикор" баспасөз қызметі 8 тамызда.

2024 жылдың 14 маусымында Бішкекте ұсталған соң ол Қырғызстан Ішкі істер министрлігінің қызметкерлеріне оңайлатылған процедуралар бойынша өз еркімен отанына оралуға дайын екендігі туралы хабарлады.

"Сол күні Алматы қаласы прокуратурасының келісімімен Сыбайлас жемқорлыққа қарсы қызмет қызметкерлерінің сүйемелдеуімен азамат У. Қырғыз Республикасының шекарасын кесіп өтіп, Алматы қаласына жеткізілді.Қазіргі уақытта күдіктінің қатысуымен тергеу амалдары жүргізілуде", — деді Антикор.

Тергеу мүддесі үшін басқа ақпаратты таратуға болмайды.

2022 жылдың 22 сәуірінде Алматы қалалық мәслихатының депутаты Қайрат Құдайбергеннің қаңтардағы тәртіпсіздікті ұйымдастырды және оған қатысты деген күдікпен ұсталғаны белгілі болды. 2023 жылдың 14 қыркүйегінде Алматыда оған және қылмыстық авторитет Арман Жұмагелдиевке (Дикий Арман) қатысты қылмыстық іс бойынша алдын ала тыңдау өтті. Кейін бұл процесті жабық есік жағдайында өткізу туралы шешім қабылданды.