Италияның футбол чемпионатында чемпион мен маусым көшбасшысы өзара күш сынасты

11 қаңтарда Италияда А Сериясының 20-туры аясында аса тартысты кездесу өтті. Турнир кестесінде көш бастап тұрған "Интер" өз алаңында елдің қазіргі чемпионы – "Наполиді" қабылдады, деп хабарлайды Zakon.kz.

Атақты "Сан-Сиро" стадионына жиналған жанкүйерлер екі алып клубтың жоғары деңгейдегі ойынын тамашалады. Алайда бұл кездесуде жеңімпаз анықталмай, матч 2:2 есебімен тең аяқталды.

Ойын жергілікті жанкүйерлер үшін сәтті басталды: "Интер" қорғаушысы Федерико Димарко 9-минутта есеп ашты. Көп ұзамай Скотт Мактоминей таразы басын теңестірді.

Екінші таймда Хакан Чалханоглу пенальтиді дәл орындап, "Интерді" қайтадан алға шығарды. Дегенмен кездесудің аяқталуына тоғыз минут қалғанда Мактоминей тағы бір гол соғып, есепті теңестірді.