Илон Маск әлемдегі ең бай адамдар тізімінде бірінші орыннан түсіп қалды

23:18, 7 желтоқсан 2022

© Сурет: Facebook/Elon Musk: SpaceX, Tesla, Solar City

SpaceX қожайыны Илон Маск, Forbes мәліметтері бойынша, әлемдегі ең бай адамдар тізімінде француздың LVMH трансұлттық компаниясының иесі - миллиардер Бернард Арноға жол беріп, бірінші тұрған орнынан айырылды, деп хабарлайды Zakon.kz.

Forbes Масктың қазіргі байлығын 184,6 миллиард доллар деп бағалайды, ал Арно мен оның отбасы 185,1 миллиард долларға ие екенін анықтапты.

Француздың LVMH трансұлттық компаниясы louis vuitton, Givenchy, Guerlain, Kenzo, Moët & Chandon, Hennessy және тағы басқа танымал сауда таңбаларында сәнді тауарлар шығарады. Штаб пәтері Парижде орналасқан.

Илон Маск 2022 жылдың көктемінде Forbes миллиардерлерінің рейтингінде алғаш рет көш бастады. 2022 жылдың 11 наурызындағы есеп бойынша, Масктың байлығы 219 миллиард долларды құрады. Осылайша, бір жыл ішінде Маск 68 миллиард долларға байып, рейтинг көшбасындағы Amazon компаниясының негізін қалаушы Джефф Безосты (байлығы 171 миллиард долларға тең) ығыстырған болатын.

Оқи отырыңыз

Қазақстанда жеке кәсіп саны бір жылда 26% өскен

Қазақстанда бизнесті тексеруге мораторий 2023 жылдың соңына дейін ұзартылды

Қазақстанда жастарға өз ісін ашуға несие берудің жаңа механизмі әзірленді

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!