Ғылым министрі докторанттарға қатысты жағымды жаңалығымен бөлісті

Ғылым және жоғары білім министрі Саясат Нұрбек 27 қарашада Мәжіліс дәлізінде журналистерге берген сұқбатында докторанттардың шәкіртақысы өсетінін айтты, деп хабарлайды Zakon.kz.

Саясат Нұрбек жыл сайын докторанттар мен магистранттардың стипендия мөлшері 20%-ға өсетінін еске салды.

"2028-2029 оқу жылына қарай шәкіртақы 100%-ға өседі. Мысалы, докторанттардың стипендиясы 2028-2029 оқу жылына қарай 500 мың теңгеге дейін ұлғайтылады. Бұл туралы біздің алдағы бес жылға арналған жыл сайын жасайтын жоспарымызда қамтылған", - деді ол.

29 тамызда премьер-министр Олжас Бектенов 1 қыркүйектен бастап 445 мың студенттің стипендиясы 15-50%- аралығында өсетінін айтқан еді.