Генерал-майор Күдебаев онлайн трансляция жүргізіп, елмен сөйлесті
Алматы облысы Полиция департаментінің бастығы Серік Күдебаев апта сайын Instagramm әлеуметтік желісінде халықпен онлайн кездесуді әдетке айналдырды, деп хабарлайды Алматы облысы ПД баспасөз қызметі.
Полиция департаментінің арнайы парақшасы арқылы жүргізілетін тікелей эфирге әлеуметтік желіні пайдаланушылар еркін қатысып, пікірлері мен сұрақтарын қалдыра алады. Сонымен қатар, полиция генералының Фейсбук желісінде жеке парақшасы бар екенін және онлайн кездесуде whatsapp желісі арқылы бейнеқоңырау жасау мүмкіндігі қаралғанын ескерген жөн.
"Мемлекет Басшысы "Халық үніне құлақ асатын мемлекет" қағидасын енгізді. Осыған орай мен де, қалалық және аудандық полиция бөлімшелерінің басшылығы апта сайын тікелей байланысқа шығады. Халық сенім білдірген қызметте отырғандықтан, олардың пікірімен үнемі санасып отырамыз", - деді Алматы облысының бас полицейі генерал-майор Серік Күдебаев.
3 сағатқа созылған онлайн кездесу барысында тұрғындар полиция қызметіне қатысты түрлі сұрақтар мен пікірлер білдірді.
"Бүгінгі тікелей эфир барысында Еңбекшіқазақ ауданының тұрғыны, "Есік" газетінің тілшісі Әлішер Матхалықов хабарласып, пәтер ұрлығын кәсіп қылған қылмыстық топты құрықтаған тәртіп сақшыларының нәтижелі еңбегі үшін алғысын білдірді. Полиция генерал-майоры мінсіз қызмет атқарып, жақсы нәтиже көрсеткен тәртіп сақшысына және полицейдің еңбегін бағалаған тұрғынға алғысын білдірді", - деді ПД ресми өкілі Ақбота Қуанышбекқызы.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
19:12, 26 сәуір 2024
«Айбын» орденіне Нұрмағамбетовтің, Момышұлының және Қошқарбаевтың есімдері берілді
-
18:43, 26 сәуір 2024
Қызылорда облысында «Жасыл аймақ» апталығы аясында жалпыоблыстық сенбілік өтті
-
18:30, 26 сәуір 2024
Алматыда көші-қонды бақылау күшейді
-
18:21, 26 сәуір 2024
Тимофей Скатов «Челленджер» турнирінің жартылай финалында ойнайды
-
18:08, 26 сәуір 2024
Полиция екі күнде 300-ге жуық қылмыскерді ұстады – ІІМ