Фильмді ұлттық деп тану мен ұлттық фильм куәлігін беру ережелері жаңартылды

Мәдениет және ақпарат министрінің 2025 жылғы 20 наурыздағы бұйрығымен фильмді ұлттық деп тану және ұлттық фильм куәлігін беру ережелеріне өзгерістер енгізілді, деп хабарлайды Zakon.kz.

Атап айтқанда, бірқатар тармақтар жаңа редакцияда жазылған.

Фильмді ұлттық деп тану үшін өтініш беруші уәкілетті органға қазақ немесе орыс тілдерінде мынадай құжаттарды ұсынады.

1. Уәкілетті орган басшысының атына фильмді ұлттық деп тануға еркін нысанда өтініш. Өтініште мынадай мәліметтер:

• фильмнің атауы;
• фильмді шығарушы ел;
• фильмді шығарушы студия;
• фильмнің шыққан жылы;
• фильмнің форматы;
• фильмнің хронометражы;
• фильм серияларының саны;
• фильмнің жанры;
• фильмнің жас санаты;
• олардың жеке басын куәландыратын құжаттардың көшірмесін қоса бере отырып, фильмнің авторлары (сценарий авторы, қоюшы-режиссер, қоюшы-оператор, қоюшы-суретші, музыкалық туындының авторы) көрсетіледі;
• фильмнің продюсерлері;
• фильмнің тілі, фильмді дубляждау не оның субтитрлерінің, не кадр сыртындағы аударма тілдері (бар болған кезде);
• өтініш берушінің деректемелері (заңды мекенжайы, заңды тұлға үшін – бизнес сәйкестіндіру нөмірі, жеке кәсіпкер ретінде тіркелген жеке тұлға үшін – жеке сәйкестендіру нөмірі);
• өтінішті берген күні және өтініш берушінің қолы;

2. Техникалық талаптарға сәйкес келетін кез келген жеткізгіштерде фильмнің көшірмесі;

3. Заңды тұлға продюсерді мемлекеттік тіркеу (қайта тіркеу) туралы анықтама және оның құрылтай құжаттарының көшірмелері немесе жеке тұлға продюсердің жеке басын куәландыратын құжаттың көшірмесі;

4. Фильм түсіретін топтың құрамымен (режиссерлер, операторлар, дыбыс операторлары, киім суретшілері, монтаждаушылар, басты рөлдерді орындайтын актерлер) жасалған шарттардың көшірмелері және олардың жеке басын куәландыратын құжаттардың көшірмелері;

5. Фильмнің сметалық құнын және оны қаржыландыру көздерін растайтын құжаттар.

Ұлттық фильмдер деп танылуға үмітті киножобаларды қаржыландыру түрінде мемлекеттік қолдау алған фильмдер бойынша осы тармақтың бірінші бөлігінде көрсетілген құжаттарды өтініш беруші фильмді Мемлекеттік фильмдер қорына тапсырғаннан кейін күнтізбелік күн 30 ішінде уәкілетті органға ұсынады.

Құжаттар уәкілетті органға келіп түскен күнінен бастап 20 жұмыс күні ішінде қаралуға жатады.

Егер құжаттар сәйкес келмеген жағдайда, құжаттар уәкілетті органға келіп түскен күнінен бастап 3 жұмыс күні ішінде өтініш берушіге қараусыз қайтарылады.

Өтінімдер мен оған қоса берілетін құжаттар талаптарға сәйкес келмеген жағдайда, өтініш беруші оларды жойған кезде қайтаруды алған күннен бастап 5 жұмыс күні ішінде оларды қарау үшін құжаттарды қайта ұсынуға құқылы.

Бұйрық 2025 жылғы 14 сәуірден бастап қолданысқа енгізіледі.