«Атырау» футбол клубы қайтадан мемлекет меншігіне өтті

22:10, 8 сәуір 2025

© Сурет: freepik

Атырау облысы прокуратурасының ұсынысы негізінде "Атырау" футбол клубы қайта мемлекет меншігіне өтті, деп хабарлайды Zakon.kz тілшісі өңірдің дене шынықтыру, спорт және туризм басқармасына сілтеме жасап.

Басқарманың хабарлауынша, шешім басқару бойынша тиімділікті арттыруға, қаржылық ашықтыққа және аймақтың спорт инфрақұрылымын дамытуға бағытталған.

2018 жылғы ақпан айынан бастап клуб "Атырау" кәсіпқой спорт клубы" қоғамдық қорының сенімгерлік басқаруында болды. Алайда кейінгі жылдары оның қызметінде бірқатар жүйелі проблема болды: басшылық құрамы жиі ауысты, спорттық нәтижелер тұрақсыз болды, бюджет ашық емес еді және сенімді есеп те болмаған.

Мемлекет меншігіне қайтарудың негізгі факторларының біріне шетелдік ойыншылар санының күрт артуы себеп болған, соның кесірінен ішкі кадрлар мен жасөспірімдер футболын дамытуға жеткілікті көңіл бөлінбеген.

Енді мемлекет басқаруымен клубты кезең-кезеңімен реформалау жоспарланып отыр. Ведомство негізгі бағыттар: басқару тұрақтылығын қамтамасыз ету, ашықтықты арттыру, жасөспірімдер футболын қолдау және ұзақ мерзімді даму стратегиясын қалыптастыру болатынын атап өтті.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!